| |
سه شنبه 7 شهريور 1391برچسب:اايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,يل سگوند,, :: 21:48 :: نويسنده : حسينقلي كيان عليخاني
بسم الله الرحمن الرحيم
تقديم به غيوُر مردان و كُهن سوُارن ايل سگوند در شمال غرب خوزستان كه در حاشيه روُد كرخه و نَهر تاريخي هرموُشي در سال 1324 بعد از جنگ جهاني دوّم در جنگ آهوُدشت و بِسَيتي(بوستان) حضور داشنتد در اين جنگ تمام طوايف ايل سگوند از جمله – رحيم خاني– حيدري - رستمي – حاجي كلي – دالوند – سگوندخوُرده - مختوا – عين الوند – قلي – عَليوُس – تُجار – ساكي – حاجي مِشهَ– فريوَن و تمام تيره و طوايف ديگر سگوند شركت داشتند.
دِهَرموُشي تا آهوُدشت شماره 1
|
خاطرهَ تعريف بَكمِ / سي كوُچكيامو
|
زنيي چه سخت بيهَ / سي او ديارموُ
|
|
مهِ ميحام گُل چين بَكم/دوُ جنگجوُيامو
|
چَن نفر نوُم بيارمِ / دوُ بزرگياموُ
|
|
اوُسالكهَ جنگ آهوُدشت/هِي ها وَويرمِ
سوُوز سوُارمِ غافلهَ / برنوُ و دَسش
|
مهِ چنوُ جنگجوُياي / هَرگز ندينم
ايي زمي تكوُ مي حَرد/ زير سُم اَسبش
|
|
شيپ وُ شپي وريسا / دوُ اَسب كالهَ
|
اوُ فرج حاجي كلي / بَلي نومالهَ
|
|
غُلامشاه حاجي كلي / دوُمين نيزار
|
پُشت سرم حالي نَكي / غافل اِ بِرار
|
|
غافل گوُت اِ برارم/ مهِ هام و پَهليت
|
دُشمنهَ شكَسْ دييهَ / كل بَزنمِ سيت
|
|
آخمهِ سي سگونيا / خوانين دلْ پاك
|
سينهَ شوُن دَن و گوُلهَ/سي ايي اووُخاك
|
|
سگونيا چي تَش بِريق / دوُ آسمونهَ
|
اجداد شوُ سلَحشورهَ / دَس وِ كمونهَ
|
|
غُلام خوُ گوُت وِ فرج / بَكش بوُومي
|
تاريخ يا ثابت كنهَ / خووُي وُگَني
|
|
پيا سگوند هِي دي وِلْ/ كه پير نبووُهَ
|
هَر آهن ژنگ زيهَ كه / شمشير نبووُهَ
|
|
بَگريومِ مهِ سي او / شيروُن جنگي
|
آخمهِ شال سِترهَ / چوُغا پلنگي
|
|
كوُرهَ بي دلمِ سي اوُ / پنج تير پروُ
|
آخمهِ سي كوُلايا / سي اوُ سوُاروُ
|
|
آخمهِ شكار آهوُ / دوُ دشت عباس
|
شكارچي نظرعلي / غُلام خوُ مي حاس
|
سه شنبه 7 شهريور 1391برچسب:اايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,يل سگوند,, :: 21:47 :: نويسنده : حسينقلي كيان عليخاني
جنگ جهاني دوم / آشوب دِ كشور عَروُيا وِريساني / تا نَهر عنَبَر
نايب زِمُو فرموروا / دُو قلعه شوش دسوري دَ وِ غُلم خُو/گُوتهَ تو بَكُش
اُو فرج حاجي كلي / آسيوُ خِروُوَ گُوت غُلم شاه زِنسهَ / دِلم كِوُوهَ
صيدميرزا بلي دالوند/هر دِكْ هُم سنگر شيخ دِ دُشمه كُشته / دو تا شير نر
اُو زِمو وا او صلاح / امكان نا چيز بي سنگر بي آذوقه/ وا جنگ گريز
نايب گُوت اِ غُلم خُو/ بيا دِ اِيچه بُورِمْ پِوَني وات بَكِنم / بُوي وِ قُومِمْ
اَر دي جنگ پيروز بُويم/ توني بِرارِم دِ دَس وزير جنگ/ مدال سيت بيارم
دِ غُلم سيم بنويس / دِ او مرامش كُل سگوند مينشسن / وِ پا كلامش
ايل سگوند تيرهَ تيرهَ / همه برارن وقتي غارت بر كنن / وايك ندارن
تفنكهَ كَل كُووْك كُشم / خُو تير نبونهَ نِزنهَ چي اولي / تير وِ نِشوُنهَ
حيفمهَ صد حيف/سي او شيرون جنگي بنويسم كِتوُي / سي نسل بعدي
قلعه شوش مغري بي/ نايب زمو خُو دشمنه نابود كرديم / زير سم اسباموُ
گَپ گَپوُ كُل رتنه / كُريا وِ جاشو ايمانيا دِ نبويم / وِ خاك پاشو
ساز حماسي بزنم / تو بكي جنگ مِه چِنُو سِلْ بَكنم / آروُم دل تنگ
نمنه دُو قوشوني / كَسِ دِ سُوارُو نَمنَهَ بِرنوُ وِ شُو / او دَس بِراروُ
نه سُوار نه تفنگچي/ آخ سي پيا خُو كجا رت قزل واشيا / او همه جنگجو
چاروُنكهَ سگلاوي/ وا زين روسي تفنكهَ پَس نغره / پالتويا پوسي
گرُ سل تا بنا گوش / ريش وِ سر شال نشسه و قاچ زي / سُوار دَس و يال
جنگ وا جنگجا بكني/ تقاص بَسوُني دَس وُ دِل وِ جا بايه/ سنگر بَموني
سه شنبه 7 شهريور 1391برچسب:اايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,يل سگوند,, :: 21:42 :: نويسنده : حسينقلي كيان عليخاني
دِهَرموُشي تا آهوُدشت شماره 3
|
امروُ بُن حوُن كيهَ / سي اووُ وُ چاي
|
چي شكار ها مي كُشهَ / او كرُ ساكي
|
|
بَلي گوُت چي مار زخمي / دُشمه كمينهَ
|
هم كُشتهَ هم زخمي دا / كافر نينهَ
|
|
منافعهَ دِ كار نيي / سي جنگ اوُ روز
|
حوُمالي دِ ميوُ بي / كه بيمِ پيروُز
|
|
خُسرو خوُد ير بين وَنهَ / مزرعهَ هاري
|
غُلام خوُ اوُ گوتهَ / سيم سر بياري
|
|
جنگ اوسهَ امتحاني / س مَرد دوُران
|
ايل سگوند پيروُزه / دوُ خاك ايران
|
|
دُشمنهَ زخمي كِردهَ / اوُ زخم كاري
|
افتخارم هِي توني / كُر دياري
|
|
گًپي كوُچكي و جايي / مي بي رعايت
|
چپوُو بي غارت بِروُ / گلهَ غنيمت
|
|
سيد ميرزا كالهَ سوُار / قيقاچي وَنهَ
|
دُشمنن فهم كوُر كِردهَ / تفنگي وَنهَ
|
|
دادم هِي بيدادمِ هِي / شيروُن دلْ پاك
|
يكي شوُ نَمَن زنهَ / رَ تن وِ زير خاك
|
|
سوُاري پُشت سر غُلام / دَس نَوردارهَ
|
خُسرو گوُت خوُت بير والا / چارمِ ناچارهَ
|
|
سرتهَ بَني قاچ زي / مهِ كارواش دارمِ
|
اَر خدا فُرصت بيهَ / اَجَلش بيارمِ
|
|
وقت جنگ غُرش كنوُ / پَلنگ كوُسار
|
فُرصت و دُشمهَ نَدَه / ميدُو كار وُ زار
|
|
سر خاكمِ بَنويس / سي روُزگاروُ
|
ريوَري دُشمهَ ميسا / چي باد وُ باروُ
|
|
اَر صد سال زنيي بَكي / يا كم يا بيش
|
سُخني دِ تو موُنهَ / تي قوُم وُ تي خيش
|
|
بَلي دالوند زوُني زيهَ / و پُشت بَردي
|
وش گوُتم مَنهَ نووُي / تو خيلي مَردي
|
|
حاضر بين دوُ جنگ بِراريا / ايل سگوند
|
رحيم خوُ حاجي كلي / وا حوُز فريوند
|
|
دِ گَپوُ مهِ فَهمِسمِ / جنگهَ بي وگال
|
قُشوني دِ سگوند رَت / چاروُن بي نال
|
|
آخمهِ سي روُزگار / سي اوُ پيايا
|
پُشت زَ ني دِ پُشت يك / اوُ قزل واشيأ
|
|
بَكُشيت تا بَكُشيم / دُشمهَ پا نَيرهَ
|
حيفهَ كه پيا سگوند / دي جنگ بَميرهَ
|
|
شاعر گوُت ادامهِ دِيم / جنگ آهوُدشت
|
مهِ وِ دُنبال حقيقت / مي زنمِ گشت
|
سه شنبه 7 شهريور 1391برچسب:اايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,يل سگوند,, :: 21:41 :: نويسنده : حسينقلي كيان عليخاني
دِهَرموُشي تا آهوُدشت شماره 4
|
جنگ اُفتا و آهوُ دشت/سي ايل سگوند
|
حيدرخوُوا رحيم خوُ/ وا حوُز دالوند
|
|
خُسرو دِ حوُز حيدر / چه خوُ بِكارهَ
|
تا دُشمن شكَسنيهَ / دَس نوُر دارهَ
|
|
قاطروُن بار كِردهَ/ كهَ جوُ سي چاروُ
|
مالگهَ وَن هووُر لگات/ لوُ چَشمهَ ساروُ
|
|
بِرقكهَ ايل سگوند / دوُ آسموُنهَ
|
کمَر دُشمهَ اشکس / هِی چی کموُنهَ
|
|
دِلیری دِ حوُز حیدر / گَردِ کَشیهَ
|
وِ گموُنم خُسرو / شمشیر کَشیهَ
|
|
تفنگهَ بَلی دالوند / میکهَ دو پوُقهَ
|
مَحسیه خوُ ها میا / او سر شوُقهَ
|
|
مزرعهَ که منصوری / دَس وُ پا گیرهَ
|
دُشمنهَ شکَس دیمهَ / دِ وِرنگیرهَ
|
|
خُسرو شمشیر زنهَ / وِ سر سوُاری
|
سر بِلنگمِ کِردیهَ / کُر دِیاری
|
|
رحیم خوُ وا حیدرخوُ/ هَر دک بِرارَن
|
هم خینَن میدوُن جنگ / همتأی نارَن
|
|
اَسبکهَ زیر پا غُلام / خوُ نشکنهَ جوُ
|
دُشمنموُ زرطلاق بی / ها می کنهَ تووُ
|
|
خُسرو زوُنین بَستهَ / وَ نهَ و دیمهَ
|
قوُشنی پُشت سرش / وِرزیهَ خیمهَ
|
|
جوُمیا متقال اسبیی / چوُغایا لُری
|
دُشمهَ دِ هوُورهَگیر اوُما/ وِ مین گوُری
|
|
چَن روُزه دَرگیر جنگ/جنگ وا عروُوهَ
|
اَسبکهَ کرییم خوُ / خیلی بِروُهَ
|
|
آخمِ سی خُسرو خوُ / قَد بالا رنگی
|
دَشمنهَ تار وُ مار کِرد / او وا زرنگی
|
|
جنگ اُفتا وِ هُماری / هُمار وِر واز
|
حکمی اوُما دَس غُلام/ دوُ شهر اهواز
|
|
آخمِه سی پیایا / سی اوُ رشادت
|
نومُ سگوند مَن دِ دُنیا / تا روُز قیامت
|
|
بیا بَنال تا بَنالیمِ / دِ دَس زموُنهَ
|
روزگار بی ارزشهَ / وا کَسْ نموُنهَ
|
|
چی بوُوهَچی قدیموُ/ و دوُوریک بایم
|
قَدر یک دونسوُویم/دوُس داریک بایم
|
|
کُجا رَت فال چهل سروُ / اوُ شوُنشینی
|
زمسوُ نَم نَم باروُ / دووُار نشینی
|
سه شنبه 7 شهريور 1391برچسب:اايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,يل سگوند,, :: 21:26 :: نويسنده : حسينقلي كيان عليخاني
دِهَرموُشي تا آهوُدشت شماره 5
|
اِ خدا سي غُلام خوُ / ني چيش پيايي
|
قضاوت وِ حَق مي كِرد/ چه كدخدايي
|
|
بَميرم سي مِداليا / وِ سر شوُنش
|
بَميرم سي خين وُ صُلح/مين ديو خوُنش
|
|
دَس وِ بِرنوُ غُلام خوُ / چني وِ كارهَ
|
دَچَنِ بگير كِردهَ / گَنم مي كارهَ
|
|
هم خان وُ هم كدخدا / اوُ مَرد جنگمِ
|
ديووُ دار سنگر نِشي / سي روز تنگمِ
|
|
بَميرم سي غُلام خوُ / سر كِردهَ ايلمِ
|
مَجلس دار اوُ كارگُشا / قصهَ شيرينمِ
|
|
غُلام خوُ ركاوُ زنهَ / دوُ دشت بوُستان
|
شنگ قطار تفنگ بِرنوُ/ وا اَسب خِرسان
|
|
دادم هِي بيدام هِي / سي غُلام خوُنمِ
|
تا اَبد داغش مَنهَ / وِ بَن جوُنمِ
|
|
اِ دلِ امروُ بَنال / سي ايل سگوند
|
سي غُلام سي مَحسيه / سي حوُز دالوند
|
|
نهَ ايل مَن نهَ خان گَپ / نهَ كَسْ دلْ سوُز
|
قوُنوُنكَمِ همهَ رَ تن / يِه جا وِ يِه روُز
|
|
هَر ايلي گَپي نارهَ / خووُهَ بَميرهَ
|
بي گَپ وُ بي كدخدا / كار رَه نِميرهَ
|
|
كُجا رَت اوُ زين بَرگ / اَسب كرُوشت
|
قافلهَ شوُ رَ تنت / اُتراق روُزت
|
|
نَمَنهَ دلير پيا / اَسب عروُيي
|
نَمَنهَ چوُغا وِ شوُ / سي كار كيخوايي
|
|
زي گُذشت چرخ زموُ / دوُ روزگار خوُ
|
كُجا رَ ت همهَ دلير / مَردم حَق جوُ
|
|
دلْ خرووُ ولات خرووُ / چوُل مَن ديارمِ
|
دَر دِ دلْ تي كي بَكم / دَنگي وِرارمِ
|
|
دِلكم اُشتران كوُ / بَرفش هميشهَ
|
خي نگردهَ دِ رگياش/ حوُشك بي دِريشهَ
|
|
بيا سيل كوُ وي روُزگار/چي كِرد وا شيروُ
|
بُردّشوُ وِ زير خاك / خوُراك موروُ
|
|
دِ تنيا تنيا ترمِ / رمِس دووُارمِ
|
سركوُچيلم اشكسهَ / مُردهَ بِرارم
|
|
يك وِ يك همهَ رَتن / دلير پيايا
|
نَمَنهَ اَسب كهَر / قديم سوُاريا
|
|
دَردِكمِ دَردِ سنگي / هيچ نارهَ نوُمي
|
هيچ حكيمي دِش نارهَ / نوُم يا نشوُني
|
|
هَر حكيمي بَفَهمَه / دَردِ گروُنمِ
|
هَر چي دارمِ وش مِي يمِ / زنهَ بَموُنمِ
|
سه شنبه 7 شهريور 1391برچسب:اايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,يل سگوند,, :: 21:25 :: نويسنده : حسينقلي كيان عليخاني
دِهَرموُشي تا آهوُدشت شماره 6
|
مَرحبا کُر عَلیوُس / دَس وِ هفت تیرهَ
|
عیوُه که پیا سگوند / توُ جا بَمیرهَ
|
|
اَسبی بیرُت ها میا / کیهَ صحوُوش
|
اَسبکهَ کُرساکی / برُس رکاوُش
|
|
نَمَنهَ شنگ دوُ قطار / تی ر دِ تفنگمِ
|
قوُشنی دوُورمِ گریت / سی دلِ تنگمِ
|
|
هرَ بِراری مین جنگ/ پُشت بِرارهَ
|
شمشیرش وِ کار بایهَ / نوُمش دیارهَ
|
|
سگلاوُی کِرد وِ قوُشهَ/ هن کوُم بِرارهَ
|
تیر وُ تَشی زنسهَ / کُر تُجارهَ
|
|
دَس وُ بِرنوُ سنَهیردهَ / چنی قشنگهَ
|
سراسر موُلک آهوُ دشت/جنگوُ تفنگهَ
|
|
اَسب خِرسان دُم گریت/ شیپَش وِریسا
|
دَس تفنگ حاجی مِشهَ / مَنهَ دِ دُنیا
|
|
کحیلان نوُنم چشهَ / خوُنشکنهَ جوُ
|
دُشمنهَ کُر قلی / ها می کنهَ تووُ
|
|
شبیخوُن وا گرگ میش/ دُشمهَ وارتهَ
|
اَسبکهَ بَلی کُشس / مَنهَ نَرتهَ
|
|
رکاوُ سیش حالی کِردهَ/ صید میرزا رَسی
|
بَپر یا ترک اَسبمِ / دارمت بَلی
|
|
ایل سگوند ها دِ کمین/ دُشمهَ بَجیلیهَ
|
بِراروُ هوُشیار بایت / نیرنگ وُ حیلهَ
|
|
سَخت یسان ایلسگوند/دِ جنگ عروُوسوُ
|
پیروُزی سی خوانین / رَت تا لُرسوُ
|
|
حضوُر داشت اوُ غُلام خوُ / دِ کُل جنگیا
|
گوش و حرف آمادهَ باش/کُل اوُسگونیا
|
|
فصل وقت مِلاک نیی/جنگ سی خوانین
|
اِ خدا بعد غُلام / کی با جا نشین
|
|
هَرموُشی بُن مُعلا / سی کُل سگوند
|
قلی وا عین الونیا / فهَلوُن وُ دالوند
|
|
بُز کَشی رسم بی کُهن / دِ دوُو یتا موُ
|
غوُ ماچ یا نشوُ مینیان/ پیا گَپیا موُ
|
|
آروُم بی ایل سگوند / مُدت صبای
|
تا که وقتی جنگ می افتا/گروُ طنخوای
|
|
ندینمِ اوُ پیایا / اوُ روزگاروُ
|
تفنگ وُ اَسب وُ شمشیر/بیان اوُ سوُاروُ
|
|
بَنالمِ سی روُزگار / نارهَ بقایی
|
رَم نَکرد شاه سلیموُ / نهَ وا گدایی
|
|
حناسهَ سرد می کشمِ / مهِ سی دیارمِ
|
کُجا رَت اوُ گرمی / دَس دَس بِرارمِ
|
سه شنبه 7 شهريور 1391برچسب:اايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,يل سگوند,, :: 21:20 :: نويسنده : حسينقلي كيان عليخاني
دِهَرموُشي تا آهوُدشت شماره 7
|
چی کُتل دی می کنهَ / بَن بَن سخوُنمِ
|
چَن سالهَ داغْ غُلام / مَنهَ دِ جوُنمِ
|
|
آخمهَ سی مَحسیه / شاه نوُمهَ خوُنش
|
بَمیرم سی جمع وُ جاغْ/مین دیو خوُنش
|
|
ندینم چی اوُسنوُ / رسم بِراری
|
دلْ صاف دَس دِ گَردِ / بَکنیم یاری
|
|
تاریخ یا ثابت کنهَ / اوُ پیا داری
|
دِ سَفَر دِ شریکی / دِ حوُمسا داری
|
|
تا حیسم بیا وا دیار/ بِینم جمالت
|
اَر مُردم مهِ نشنوُوَم / اوُ نال وُ نالت
|
|
اِ شاعر تو بَنویس / شعر دوُ قدیموُ
|
دِ نظام دِ مَحسیه / دِ اوُ غُلام خوُ
|
|
ها وِ یادم زین وُ بَرگ / کمیت سوُاروُ
|
شنگ قطار شوُ کِردهَ بی / کُل اوُ بِراروُ
|
|
سر زمینکهَآهو دشت / کُل شوُرهَ زارهَ
|
قوُشنی که مَحسیه / هَمش بِرارهَ
|
|
اِ خدا سی اوُ زموُ / سی اوُ بِراری
|
دُشمنهَ نابود کِردن / بُردن وِ خواری
|
|
ایی همهَ نالهَ دلمِ / سی روُزگارهَ
|
چنوُ روزی دِ نمِیا / بِینم دو وارهَ
|
|
چه خووُهَ چی خوانین / دِ مین ایلت
|
شَجُون وُ نوُ بِدهَ بای / دوُس وُ رفیقت
|
|
ایل سگوند همهَ رَت/جنگ وا عروُوسوُ
|
دِ پائیز قوُشنی رَت / تا مین زمسوُ
|
|
فَتح کِردیم دوُ جنگ ایما/دوُ روزگاروُ
|
زخمی داشتیم یک دوتا / د ِ اوُ بِراروُ
|
|
کُل رَتن کَس نَمَنَه / دوُ پَهلوُونیا
|
روُزگارم تاریکهَ / بی کسْ وُ تنیا
|
|
دِ داغشوُ تَشی افتا / دِ کُل جوُنمِ
|
ها سوُزنهَ کوُر سوُز کنهَ/ دِ چهار سخوُنمِ
|
|
ویرهَ ویرهَ بَکنم / سی مالگیا موُ
|
سی ایل وُ سی اتحاد / سی کوُلایا موُ
|
|
وِ یاد ایل سگوند / مهِ می گریومِ
|
دِ داغْ سوُوز سوُاروُ / مهِ ها بَمیرم
|
|
هَر ایلی ابوُهَتش / وِ کدخداشهَ
|
هَر جای مالگهَ بوُنهَ / ایل هم دِ باشهَ
|
|
چه خووهَ یاد بَکنیم / دِ گَپ گَپونموُ
|
رسم لُر حماسیهَ / دَ نهَ نشوُنموُ
|
|
اوُشیپهَ اَسب کالهَ / هِی ها د ِ گوشمِ
|
دِ داغْ بِرنوُ وِ شوُ / مهِ سی بَپوشمِ
|
سه شنبه 7 شهريور 1391برچسب:اايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,ايل سگوند,يل سگوند,, :: 20:44 :: نويسنده : حسينقلي كيان عليخاني
دِهَرموُشي تا آهوُدشت شماره 8
|
دِ سوُار سگوند يكهَ / دِ مين دُنيا
|
دِ نبَرد شمشير زني / دِ مين جنگيا
|
|
سي سوُاروُ حاجي كلي/ ها مي زنمِ زار
|
مهِ دِ ايي مالگهَ دلْ گير/ ها بَكنم بار
|
|
غَم اوُما دشت دلمِ / وِرزهَ دوُواري
|
بار وَنهَ مالگه گريت / ساختهَ بناي
|
|
جارچي خان جار مي زنهَ/ سوُمال كنوُنهَ
|
مال بار كِرد افُتا وارهَ / دِ بار نبوُنهَ
|
|
نَمَنهَ دِ گپوُنم / كَسْ دوُ سوُاروُ
|
نَمَنهَ چوُغا وِ شوَ / رووهَ وِ ديووُ
|
|
مهِ تا كي وا بَنالِم / تنيا دِ حوُنهَ
|
كَسْ وِ كَسْ سر نمِيارهَ / آخر زموُنهَ
|
|
غَم اوُما توغيان كِردهَ / و ِ دشت جوُنمِ
|
ليلمِ دهَ وَنم دِ وِر/ هيرد كِرد سخوُنم
|
|
آهوُ دشت تا بِسيِتي / هَمش هُمارهَ
|
قوُشني ايل سگوند / هَمش بِرارهَ
|
|
سنگريا دِ دلْ زمي / خاك ماسهَ بادي
|
زن وُ زيلدِ مين ايل/ها مي كَن شادي
|
|
وِ گوُتهَ چه آسوُنهَ / وِ چَش چه سَختهَ
|
جنگ افُتا دِ آهوُدشت/ هُماري تَختهَ
|
|
پيا ها كه بِحسهَ / وِر گوُلهَ بِرنوُ
|
روز سنگر دُشمه كمين/ اوُ كشيك شوُ
|
|
قوُشني لُر زبوُبي / دِ شوُ هم لَكي
|
هم سنگر اوُ كُر خوُ / د ِ حوُز مَكي
|
|
آذوُقهَ قرصهَ زردهَ / وا تيكه نوُن جوُ
|
انتقادي اَر داري/ توبيا سي مهِ بووُ
|
|
بهارمِ زرد وُ خزوُ/ حوُشك بي دِ ريشهَ
|
غَم اوُما دشت دلمِ / مَنسي هميشهَ
|
|
بوُسونِ گُلمِ امروُ/حوُشك كِرد سراوُوش
|
باغبوُ وِبُن ايي بَرد / گريتهَ خووُش
|
|
وِر پام اُقيانوسهَ / پُشت كمَر غار
|
شوُ وُ روز نَلحَق زنمِ / وا دلْ بيمار
|
|
اِ خدا مهِ بي كَسمِ / بي كَسي دَردهَ
|
اناشتا وا چاس غَم / شوم آه سردهَ
|
|
قوُم لُر ايلمِ سگوند / قُلي طايفم
|
مالگهَ كَم دِ هَرموُشي / اوُ چهَ منافمَ
|
|
كَژلْ و كُميت سوُار / اوُ كُر دالوند
|
نوُم نيكش مَن وِ جا / سي ايل سگوند
|
|
ياد وُ خاطر آهوُ دشت / فيلمي بَسازمِ
|
سر خاك جنگجوُيا / بارگاه بَسازمِ
|
|
|
